Glass has been kind like my very
mother. She has a braw house here, and lives bien and warm, wi' twa
servant lasses, and a man and a callant in the shop. And she is to send
you doun a pound of her hie-dried, and some other tobaka, and we maun
think of some propine for her, since her kindness hath been great. And
the Duk is to send the pardun doun by an express messenger, in respect
that I canna travel sae fast; and I am to come doun wi' twa of his
Honour's servants--that is, John Archibald, a decent elderly gentleman,
that says he has seen you lang syne, when ye were buying beasts in the
west frae the Laird of Aughtermuggitie--but maybe ye winna mind him--ony
way, he's a civil man--and Mrs. Dolly Dutton, that is to be dairy-maid at
Inverara; and they bring me on as far as Glasgo, whilk will make it nae
pinch to win hame, whilk I desire of all things. May the Giver of all
good things keep ye in your outgauns and incomings, whereof devoutly
prayeth your loving dauter,
"Jean Deans."
The third letter was to Butler, and its tenor as follows:--
"Master Butler.--Sir,--It will be pleasure to you to ken, that all I came
for is, thanks be to God, weel dune and to the gude end, and that your
forbear's letter was right welcome to the Duke of Argile, and that he
wrote your name down with a kylevine pen in a leathern book, whereby it
seems like he will do for you either wi' a scule or a kirk; he has enow
of baith, as I am assured.
Pages:
250
251
252
253
254
255
256
257
258
259
260
261
262
263
264
265
266
267
268
269
270
271
272
273
274