"There's mair shifts by stealing, Jeanie," said Madge Wildfire; "though
whiles I can hardly get our mother to think sae. Wha wad hae thought but
mysell of making a bolt of my ain back-bane? But it's no sae strong as
thae that I hae seen in the Tolbooth at Edinburgh. The hammermen of
Edinburgh are to my mind afore the warld for making stancheons,
ring-bolts, fetter-bolts, bars, and locks. And they arena that bad at
girdles for carcakes neither, though the Cu'ross hammermen have the gree
for that. My mother had ance a bonny Cu'ross girdle, and I thought to
have baked carcakes on it for my puir wean that's dead and gane nae fair
way--But we maun a' dee, ye ken, Jeanie--You Cameronian bodies ken that
brawlies; and ye're for making a hell upon earth that ye may be less
unwillin' to part wi' it. But as touching Bedlam that ye were speaking
about, I'se ne'er recommend it muckle the tae gate or the other, be it
right--be it wrang. But ye ken what the sang says." And, pursuing the
unconnected and floating wanderings of her mind, she sung aloud--
"In the bonny cells of Bedlam,
Ere I was ane-and-twenty,
I had hempen bracelets strong,
And merry whips, ding-dong,
And prayer and fasting plenty.
Pages:
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101